هو ليه القدر اوقات بيكون عكس الحدوتة ؟
كانت عايشة لوحدها بتعافر في الدنيا وبتجتهد علشان توصل لهدفها وتنجح وتسعد بحياتها .
وفي يوم اتعرفت علي شخص مشهور وليه شعبية كبيرة وكان لقاء غير مقصود .
صدفة من صدف القدر .
ومن هنا ابتدت الحدوتة …..
ومع الوقت اكتشف انها هي فتاة احلامه برغم من انها بنوتة بسيطة
ومن عائلة متوسطة الدخل .
بس برغم ده الا انه حبها وهي كمان حبته .
بس الحقيقه هو كان شهم وجدع وراجل بمعني الكلمة وعدها بالجواز
وفعلا راح لوالدها وطلب ايدها .
وكانوا في منتهي السعادة لحد ما القدر لعب لعبته
والحكاية اتحولت 180 درجة من اقصي اليمين لاقصي الشمال .
ومش معني كده انهم بطلوا يحبوا بعض بالعكس
حبهم يمكن في يوم هايحكوه في الحواديت .
بس الغريبة كتر المشاكل اللي حصلت وبرضه هما ماكنش ليهم يد بالعكس .
كل قدرهم انهم لازم يحلوا بنفسهم المشاكل دي لان مفيش غيرهم يقدر علي ده .
طول الوقت بيخاف عليها وبيحبها وهي بتصونه وبالبلدي كده
تحت جناحه بيفكروا في غيرهم اكتر مابيفكروا في نفسهم .
بس للاسف كل ما بيقربوا خطوة من حلمهم وفرحهم يرجعوا الف خطوة .
ليه مش فاهمين ؟ ومن غير اسباب ؟
يمكن تكون مشاكل صعبة وصعبة اوي .
بس طول الوقت بيدعموا بعض واقفين في ضهر بعض .
بس السؤال لحد امتي هايفضلوا يحبوا بعض ؟ !
اصل الموضوع غريب ومش طبيعي ! يتقابلوا صدفة ويكونوا سند لبعض في كل حاجة واي مكان بس كل ما يحددوا ميعاد فرحهم تأتى الرياح بما لا تشتهي السفن !!!
والسؤال هنا ؟ هل مالهومش نصيب في بعض ؟
تفتكروا
انتظروا باقي الحدوتة ….. وسام خاطر
